منتديات كوفي كوب Coffee cup - عرض مشاركة واحدة

10-10-08, 08:35 PM

ريموه :يالله خلينا نلعب كوره
لميوه :لاوالله هاذا الي ناقص انا على اخر عمري العب كوره واخرب ابرستيجي
ريموه : ويش فيس مشتطه من زين البريستيج مالت عليس انتي وبريستيجس
رنود :صدق خلونا نسوي شي
مهوي :خلونا نلعب أي لعبه
دلال :مثل
مهوي :عادي أي شي
ريموه ويش رايكم نلعب اورقه
شيخوه: قدام
ريموه: بروح اجيبها واجي وقامت وراحت تجيبها وهي تركض
الهنوف :ريم هاذي بايعتها
مهوي :يالله من الي في فريقي
دلال : انا والي تعرف تلعب
هنود :الحمد لله انس علمتينا انس ماتعرفين تلعبن عشان ماحد يختارس ويتوهق فيس
دلال :انا اصلا خبره وابي وحده خبره عشان نفوز عليكم وترا الفايزين يامرون على الخسرانين
نوير :اكيد
ندوي :انا مع الهنوف
الهنوف :لامابيس ماتعرفين تلعبين
ندوي :من قال
الهنوف : نسيتي الصيف الي قبل الي طاف يوم لعبتي معي خسرتيني ولا فزت ولامره وبعد خسرنا وكرفوني نا وياس
ندوي :وي انتي مغبره انا الحين الحسن ذولا كلهم في العب
شيخوه :هي صادقه تراها تعرف تلعب اخذيها ياهنوف اذا تبين تفوزين مثل ذيك المره
مهوي :ريموه رايحه للمريخ
رنود :هاذا وهي تركض
لميوه : تلقونها الحين جلست تلعب مع شلتها ادري فيها نذله
ندوي :احترمي نفسس ريموه موب نذله ريموه اكثر من نذله
جواهر : بنات ترا ما اعرف العب علموني لين تجي ريم
نوير :ولاتزعلين يا اختي الغاليه بعلمس ...وراحت نوير وجلست جنب جواهر وجلست تشرح لها
والبنات كل وحده تختار الي تبي في فريقها
وانا كنت جالسه في الزاويه وافكر في الي صار وبعدين تذكرت شعار الشله طنش تعش تنتعش وقلت خلاص بنسى كل شي وبستانس جعل طليل الحقير الجلطه
وشوي وجات ريموه ويا شلتها
ريموه :هاكم الورقه العبو انا موب لاعبه معكم
مهوي :ليه عسا ماشر
ريموه :بروح العب كوره
هنود :وين
ريموه :هناك في ذاك الخضار انا والبنات
ندوي :صدق ماتستحين
ريموه بستخفاف :مخليه اسحى لس لميوه تبين تلعبين معنى
لميوه :مستحيل
ريموه :ليه لايكون رايحين نهرب مخدرات
لميوه :لا بس مابي
ريموه :احسن اصلان محدبحطس في فريق عشان مايخسر
وحطت الاورقه وراحت ويا شلتها وتوزعنا
انا + رنود
مهوي + دلال
شيخوه + الهنوف
جواهر + نوير
هنود + ندوي
لميوه + مالقت احد يختارها او يلعب معها وما اكتفت بلمشاهده وراحت تدور احد يلعب معهى
وجلسنا كل فريق يحط له غمزه
انا ورنود غمزتنا ((((جعلس الجلطه يا لحقيره )))
المهم بدا العب وكل وحد توايق في اوراك الثانيه وهده وانواع الشتم والعن والهواش واتقبيص والبقوس والغش والكذب والدعاوي وبعد هاذا كله انا ورنود فزنا 2 وهنود وندوي 1 ومهوي ودلال 2 وشيخوه والهنوف 5 ولميوه توها جايه ولا لقت غير شهد بنت خالد اخوشيخوه يعني بنت الهنوف جابتها بعد اقناعها واغرائها بشياواجد جات هي وياها وجلسو يلعبون معنى وصرنا واجد وصوتنا جايب الي برا المزرعه وحنى نلعب وانا خربتاها كل شوي غلطانه وقايله جعلس الجلطه موب ودي ورنود تمجد وبعدين ينسحب منى العشر الي حصلنلها وغيرنا غمزتنا الى((اغنيت جو الشقر وينك ))ولا فزنا ولا مره اغنيته نحس علينا ونوير وجواهر مافازو ولامره عشان جواهر غبيه ماتعرف تلعب المهم بعد الزحمه وفي النهايه فازفريق شيخوه والهنوف وخسر فريق لميوه وشهد
شيخوه بمكر وابتسامه عريضه:ياويلكم مني بكرفكم
الهنوف : انا بامر على لمياء وبنوتي الحلوه لاحد يامر عليها
لميوه :اصلن محد خسرني غيرها ماتعرف تلعب امرو عليها معي
الهنوف :لاوالله ويش دخل بنيتي
شهد :ايه ويش دخلني انتي الي منادتني العب ونا ماابي اصلان العب
لميوه :لا والله انا وانتي فريق ويامرون علينا كلنا مع بعض
شهد :مالي خص انتي الي خسرتيني
لميوه :بتنفذين معي الطلبات غصب عليس فاهمه
قامت الهنوف وغمزت لبنتها تنحاش لبوها عشان محد يامر عليها وشهد ماكذبت خبر وحطت رجلها للمجالس الرجاجيل وراحت لميوه وراها تبي تمسكها ولا قدرت ورجعت وهي تتحلطم من قلب
الهنوف : ياربي ويش ابي ويش ابي
لميوه :موب منفذه غير طلب واحد بس
سيخوه :موب على كيفس
لميوه :مالي دخل روحي جيب بنت اخوس النذله وامري عليها
الهنوف :بمأني انا الكبيره بامر وانتي ياشيخه موب لازم
شيخوه :لاوالله ترامافوزس غيري
الهنوف :انا الكبيره عاد
شيخوه :بوافق بس على شرط
الهنوف :ويش
شيخزه: امري امر صاحي ابيس تكرفين لميوه
الهنوف :ماطلبتي شي
لميوه :اذاموب طلب خفيف موب منفذته
مهوي :موب بكيفس كلنا اتفقنا الأمر يتنفذ ولا موب لاعبه معنى بعد شوي ولا بعدين بعد ثم بيصير عندس نقطه سودا في ملفس حق الورقه واذا جيتي تلعبين موب مخلينس
لميوه :ماتسوا ليت شهد الخايسه عيت ماجات تلعب معي كان اناالحين مرتاحه
الهنوف :بنوتي انا خايسه ياقليلت الادب هين والله لاكرفس روحي نضفي بنوتي الغاليه الجوري تلقينها الحين موصخه
لميوه بصوت اعلى من العالي :لاوالله هاذا الي ناقصني اشتغل مربه والله ما انفذه لو مالعب معكم طول عمري
الهنوف :ويش فيس ترا عادي بنوتي نضيفه اصلان بس روحي شيكي عليها يمكن تلقينهااااا
لميوه :مستحيل والله ما المسها خلي اشغاله تنضفهى وانتي امري امر ثاني
الهنوف :خلاص روحي دوريها وجيبيها
لميوه :اشوا كذا الاوامر موب نضفيها ...وراحت
شيخوه : امحق امر ليتني ماخليتس تامرين
الهنوف :ويش اسوي ماتبي تنفذ شي وانا مابي شي
شيخوه :انا بتصرف ان ما كرفتها
هنود :ويش بتسوين
شيخوه :بروح اخش الجوري عشان تموت لميوه مالقتها
وراحت شيخوه
الهنوف:بسراح شيخه داهيه
ندوي :الاحراميه
رنود :بنات خلونا نسوي شي ثاني
نوير :مثل ايش مثلان
جواهر :خلونا نسولف لازم يعني تلعبون
رنود :ماجينا الى عشان نلعب
دلال :ايه صح العب الشي الوحيد الي يميز الطلعات
وجات ريموه
ريموه :بنات والله وناسه تعالو العبو معنى
هنود :هاذا لي ناقص
ريموه :والله وناسه على الأقل شجعو
انا :من الي يلعب
ريموه :انا وشلتي ودانا ومشاعل وامل فريق ومجود ومشاري وسلمان وريان ونصور فريق واحنا متعدينهم سجلنا 4 اهداف وهم بلا2 والله وناسه تعالو العبو معنا بدل منتو جالسين
انوير :مستحيل ويش بيقولون عنا
ريموه :اصلا ماجينا العشان نلعب ونستانس ومحد قايل شي وبعدين احنا نلعب بعيد هناك في الصوب ذاك والشباب في الصوب ذاك يعني مايشوفونا
ندوي :غصب نلعب مانبي
ريموه :انتي اصلان محد عزمس وينشيخوه ولا لميوه
انا :راحو
ريموه :هاه احد بيلعب معنى
دلال:كان ودي بس صعبه اذا جا اخر اليل انشاء الله بلعب معكم انا
ريموه :يعني محد جاي الحين
الكل :لا
ريموه :مالت عليكم كلكم مسوين لي مستحيات يسوون بلاوي الدنيا واذا جا شي عادي قالو نستحي وكشت علينا كلنا حتى جواهر والهنوف ودلال مدري ويش دخلهم وراحت
جواهر:صدق ان ريم وجه بنفهره ليش تكش علينا احنا اكبر منها وتسوي لنا كذا لو اصغر منها كان ويش سوت
ندوي: احمدي ربس هي كذا محترمتس
دلال:الله على الأحترام
رنود :بنات ويش رايكم ندخل
الهنوف :عسى شيخوه ماذبحت بنتي هاذيك جات وشكلها مسويه جريمه
جواهر :الله يستر توقعي أي شي منها
جات شيخوه
شيخوه :خشيتها حتى الجن لأزرق مايعرف مكانها
الهنوف :شيخوه وين بنتي لايكون ذبحتيها
شيخوه :شايفتني مجرمه
جواهر :وين خشيتيها
شيخوه: مالكم دخل خلو لميوه تفطس وهي تدورها
هنود :خلونا نلعب لعبت العين ويش رايكم
نوير:والله فكره خلونا نلعب
جواهر :ماعرفها
شيخوه :انتي كل شي ماتعرفينه
جواهر :ويش دراني بلعابكم الغريبه
نوير :ولا يهمس بعلمس وبعدين هي سهله
جواهر :كيف تلعب
نوير :هاذي طول الله عمرس نجيب على عددنا اوراق صغيره نكتب في كل ورقه رقم على عددنا الى وحده نرسم فيها عين والي تجي معه العين يامر على أي رقم يبي طبع محد شايف ورقت الثاني يعني اذا جات معس العين تقولين امر على الرقم الفلاني والي معها الرقم ذاه تنفذ امرس سهله صح
جواهر:ايه سهله حدها
ندوي :يالله نلعب
دلال :يالله وبمأن هنود الي اختارت العبه تروح تسويها لنا
هنود: اوكى ...وراحت تجيب الورق والقلم عشان تسوي العبه
رنود :ويش احدود الأوامر
الهنوف :مالها حدود
رنود :ويشلون يعني بتكرفونا
دلال :انتي فوزي ومحد كارفس
رنود :هاذي لعبت حض وانا حضي عادي
انا :اذا انتي وحضس عادي تقولين كذا انا ويش اقول عن حضي الردي والمايل
ندوي :وناسه انا حضي دايمن حلو يعني اليوم بصير ملكه وبامر عليكم كلكم
جواهر :بس الكبار يمرون على الصغار والصغار مايمرون على الكبار
ندوي :لا والله هاذا الي ناقص مافيه كبار ولا صغار تلعبين بنامر عليس موب لاعبه بكيفس
ويشوي وجات هنود ومعهى خلود بنت عمي سلطان اخت شيخوه
هنود :بنات خلود بتلعب معنى
شيخوه :لا بتذلنا عشانها حامل وموب مخليتنا نامر عليها
خلود :لا عادي امرو ماعندي مشكله بس اوامر خفيفه
مهوي :وحنا كيف ندري انه انتي يمكن نامر امر صعب ونختارس واحنى ماندري
خلود :عادي غيروه اذا دريتو انه انا
نوير :ليه ضروري تلعبن معنى
خلود :اكيد ضروري جايه من اخر المزرعه عشان العب واخرتها تطردوني
دلال :خلاص يالله وزعو
وتقط الاوراق هنود بعد ماسوتها 11 ورقه 10رقم والعين ناقص رقم عشان لميوه مابعد جات كل وحده خذت ورقه وانا كان رقمي 4 والعين كانت مع دلال
دلال :انا ابي رقماااا رقم ااا ولاخلوني اقول الأمر اول تروح تسوي سندويتش لخوختي الحين اكيد انه صار جوعان وتدورينه وتعطيه اياها وهو يحب سنتويتش بلمربه والجبن
البنات كلهم وهم عرقهم يصب :رقم كم
دلال :ااااارقم رقم 7
اول ماقالت الرقم الهنوف بغت تجيها جلطه لانه رقمها
الهنوف :انا على اخر عمري اروح اسوي لنماس سندويتش وبناتي ميتين من الجوع ماعبرتهم
دلال: والله عاد كيفس تروحين ولا لاتلعبين
الهوف : بروح الله يخسس انتي وولدس وبسوي لبنوتاتي على طريقي
دلال :ودوريه ترها مايخلي مكان
الهنوف وهي رايحه :ادوره طل ...وراحت
ولخبطنا لاوراق وخذت كل وحده ورقه والعين كانت مع نوير وانا رقمي 8 وهنود كان رقمها 4 عشاني وايقت في ورقتها وهي ماتدري
نوير :وناسه ويش ابي ويش ابي ياليت لميوه هنا عشان اكرفها وخليها تدور اخوي رومي عشان اتوب ماتلعب
انا :اخلصي ويش تبين
نوير :ابيها اااا ابيها تروح تجيبلي ااااا ايه ابيها تجيب اااا تجيب لنا بباسي بارده
انا :رقم كم
نوير :رقم 1
هنود :مالت عليس 10 ارقام مالقيتي غير رقم واحد لايكون تتفائلين به يالخايسه
نوير :ترامايسوا علي نفذي وانتي ساكته
وراحت هنود وخبصنا الورق وكل واحده خذت ورقه والعين كانت مع ندوي وانا رقمي 10 ودلال 7 عشانها جنبي وشف ورقتها وهي ماتدري وغمزت لندوي عشان تختار رقم 7 ثم تروح فيها دلال بس الحقير ماعبرتني
ندوي :ابيها تروح تاخذ الكوره الي تلعب بها ريموه وتجيبها هناه
كلنا وحنى خايفين :رقم كم
ندوي:رقم 3
خلود :الله لايوفقس ياندى على ها الامر انتو مستغنين عني
ندوي: رحتي فيها
خلود :امانه غيروه والله ان تذبحني ريم لاخذ كورتها
ندوي :مالي دخل يالله روحي
خلود :لا امانه غيري ترا ريم يمكن تشوتني ولاتبقسني ولاتدزني لين اصقط
دلال : والله تسويها ريم