بسم الله الرحمن الرحيم
أنا اليوم جبت لكم موضوع لفت نظري ,,يمكن لأن كثير يصير معانا هالمواقف,,
مثلاً نكون نفكر بشخص معين وبنفس الوقت يرسل مسج أو يدق لنا,,
فنحن نقول سبحان الله توك على بالي,,
طيب ولو قلت لكم إن هالانسان اللي كان على بالنا في نفس اللحظة كنا على باله,,
بتقولون اشلون؟؟
بقولكم هذا موضوع باراسايكولوجي وهو غير خاضع للقياس أو التكرار,,
و هي عبارة عن وقائع من الممكن تكررها
لكن مافيه قانون ثابت يحكمها....
يعني اللي يصير لك اليوم ممكن يندرج تحت هالنوع من العلوم وممكن يصير في اليوم اللي بعده ,, وممكن لأ!!
المهم أن وقوعه المتكرر يدل على صدقه
حتى وان ما كان قانون ثابت
يعني ممكن إن في اللحظة تفكر بهذا الانسان وهو
يفكر فيك وممكن انت قاعد تفكر فيه واهو مايفكر فيك
بنفس اللحظة؟؟
طيب اشلون نعرف متى
يفكر هالشخص فينا؟!من بين هالعشرات من الناس والمئات من العالم؟!
اليوم بطرح عليكم هالموضوع اللي أحسه مهم للبعض منا وهو كيف نعرف اللحظة اللي
يفكر فينا فلان من الناس؟!
وقبل ما أبين لكم الطريقة أبي أشير إلى شي مهم ...
وهو إن مثل هاذي الأمور ممكن تصير مع البعض بسهولة
نظرا لشفافية روحهم وعمق إدراكهم الحسي
وهذا يختصر علينا الكثير .. وفي نفس الوقت ..
هناك من الإخوة اللي يحتاج إلى وقت علشان
يدرب نفسه على مثل هاذي الأمور
وهاي الأمور تحتاج إلى دقة وفن في استماع الأحاسيس وتصيدها
المهم...تقول هذه النظرية وباختصار شديد.
أرجو التــــركيز ...
"""""عندما تعتريك حالة عاطفية (مــــفاجــــــــــــــأة) حول شخص ما
وتكون هذه الحالة مشابهة لحدث واقعي ......
فانه بالفعل
يفكر فيك في هذه اللحظة """"
بمعنى ...
لما أتذكر أبوي ... أو أمي .... أو اختى أو أخوي أو صديقي
بس ما تتغير حالتي العاطفية وما أحس بحرارة في المشاعر
مجرد انهم طروا على بالي وأفكر فيهم بس مو في حاله عاطفية قويه,,
فهاذي خواطر تكون من العقل الباطن مالها أهمية في هالموضوع
لكن .......تأملوا معاي
لما تكون في المدرسة أو في العمل
أو لما تكون مسافرا إلى بلد بعيد ...
وبعدين ... وفجــــــــأة :
تحس في هاليوم انك تفكر في فلان من الناس
وكأن سبحان الله أحد نبهك ,,وبديت تحس بانجذاب له
وتبي مثلا تتصل فيه أو تزوره...أو حتى مجرد أنك تسمع صوته
فهذا اللي أنا أقصده ,,
أعتقد فاهميني,, !!
يعني أحيانا يطري على بالنا شخص معين ,,
ونحس بشعور عاطفي غريب يمكن نحن نفكر فيه دايما بس هالمرة بشعور غير وعاطفة أقوى,,
وصدقوني حتى لو اني ماقريت هالنظريه بكتاب لكن أحس إن فيها شي من الصحة,,
يعني مثل مايصير أحيانا ترابط بالأفكار,,
و الواقع يثبتها ,,ومع مرور الزمن ,, والتدريب على هالموضوع ,,
بتلاقون نفسكم بسهولة تعرفون من
يفكر فيكم بها اللحظة,,,
و مع التدريب المتواصل
يمكن تتوصلون لنوعية المشاعر التي يطلقها الآخرون نحوكم..
والحديث في هذا يطول ...
وأنا بصراحه هالنظريه عاجبتني لانه نفكر في ناس ومشتاقين لهم والحمدلله انهم يفكرون فينا
بنفس اللحظه ,,
كيف
تعرف إن فلان من الناس
يفكر فيني بها اللحظة ؟
يلا ابي اعرف تعليقكم على هالموضوع ,, وآراءكم,, وفي النهاية أنتوا الحكم,,