منتديات كوفي كوب Coffee cup - عرض مشاركة واحدة - تَدريْ منْ هو يَفتخْر بأسمْ البلَاااد؟!--{-السعوُدي لا إنسَأل من أي بَلد؟؟!ّّ|~ـ

08-20-09, 12:26 AM

Back

[التسليكْ]

::

ياحبنا يالشعب السعودي للتسليك

التسليك أمر لابد منه

ونحتاجه عند التواصل مع الناس

\

\

التسليك يعني: تسلك الي تتحدث معاه وتعطيه على قد عقله وتدخله جووه

يعني تتحمس لسالفته وأنت اوب يمها أصلاً

بس المشكله لا صدق إنك متحمس للسالفه!!

وقعد يهرج عليك هرجٍ ماله داعي

هنا البلشه

التسليك حاجه حلوه احيانا

لكن التسليك للتسذووب هنا اقوولك لا!! أترك التسلييك

وأقعد زبد وأرعد عليه

بس المشكله لاصار أبوك وإلا أمك!!

أذكر ذاك اليوم جلست أسلك لأبووي

يقوول تصدقين كنت وسيم!!

قلت للحين اسم الله عليك

قال :لا لا بقولك سالفه بس لاتدري أمك

قلت اها تفضل

قال تدرين أن مرة خطبتني حرمه لبنتها من كثر الجمال والزين الي فيني

قلت لا اله الا الله من يومك مزيون يبه

يوم شافني معطيته جووه قام يعطيني من الرخيص

يقوول والله أن ركبتي كانت حمرا من البياض

قلت ورى قلب لونها!!

قال مع الكبر والتعب وشمس الرياض

قلت أها صادق صادق

الشرهه على الي يسلك لك

والتسليكـ له أحكام وأركان وتسذآآآ

تسليك واجب ~~> وهو لكل من هو اكبر منك بالعمر عسـآكم فهمتوا < براءه

وبالنسبه للتسليكـ مع الصديق فهو ينقسمـ قسمان :

قسمـ فرض كفايه ~~> يعني إذا ماتمون على صديقكـ اللي قاعد تسلكـ له ، شسمه يعني إذا سلكله أحد الموجودين في الجلسه فيسقط عن الباقين اللي أنت منهم

والقسمـ الثاني مستحب ~~> إذا هذا الصديق تمون عليه فـ موب يلزمكـ التسليكـ له في كلـ الأحوالـ

عشان كذا يجب عليكـ عند التسليكـ التحلي بالأخلاق السعوديه

BrB