منتديات كوفي كوب Coffee cup - عرض مشاركة واحدة

09-25-08, 03:38 PM

قلت:مالي الا اكلم عمي ناصر بس وين الرقم؟؟؟
ونروح للستراحه حقت الحريم وادق على كيوتل واخذ رقم بيت عمي ناصر الثابت واتصل عليه بس محد يرد ونروح من استراحه الى حمامات النساء ومن حمامات الى الاستراحه واهلي منتشرين في المستشفى لين الساعه 5 الفجر عاد انا تذكرت انا ماصلينا ورحت التوضئ الا والمصيبه اكتشفت اني ماعلي نعال بس شرابي الفسفوري وقعدو البنات يظحكوون من قلب عاد انا تذكرت ذاك الداشر اللي في المجمع ليش كان يقول فقعتي عيونا بالفسفوري عاد احنى صليناكل الصلوات الي فاتتنا و الفجر وقعدنا في الاستراحه
في الاستراحه
مهوي:اقول ليلوه شي داخلي يقول انتي الي داقه على طليل الساعه 3 تبين فراوله صح
انا :هاه ااا لا يمكن "حسبي الله على ضميري الخايس راح لمهوي من جده " سوري ماطرى علي الا انتي من حبي لس بس الي قاهرني طليل يقول كل شوي تتعمد تطلع قدامي جعله الصرطان الحيوان
لميوه :بنات ابي الرقد نعسانه
هنوده :بنات بنطول واحنى هناه
مهوي:الا هنوده مادريتي طلع لنا عم وعمه جداد
هنوده: كيف ؟؟؟؟؟؟؟؟؟؟؟؟؟؟؟؟
وتقعد مهوي تقولها القصه وكل الكلام الي سمعناه
لميوه: بنات الرقد على الكراسي عادي
انا :لا موب عادي
هنوده:بنات بنطول واحنى هنى
انا :خلونا نروح نتمشى شوي في المستشفى
مهوي :يالله ........
وطلعنا من الاستراحه ورحنى نتمشا في المستشفى
ــــــــــــــــــــــــــــــــــــــــ ـــــ وحنى نمشي ــــــــــــــــــــــــــــــــــــــــ ــــــــــ ــــ
انا :وين نروح بنات
مهوي :وين نروح موب انتي الي تقولينخلونا نروح نتمشى
انا :طيب وين نروح
لميوه :خلونا نروح نجلس في حديقت المستشفا الحين الجو يجنن
مع الصبح
هنود :لا خلونا نروح نتمشا في المستشفى واشوف المستشفى الي بتوضف فيه في المستقبل
انا :انتي مصدقه روحس تبين تصيرين دكتوره
هنود :اكيد واصير من ملائكت الرحمه
انا :ليه بتموتين
هنود :ويش دخل اقصد ان الاطباء يطلق عليهم ملائكة الرحمه
لميوه :يطلق عليهم ولانتي تخترعين
هنود :انتو ويش دراكم خليكم في افلامكم الهنديه ماتعرفون شي عن الطب
مهوي :اليسمعس يقول ذي صارلها 30 سنه تدرس طب ترا توس في الجامعه
هنود :اعوذبالله منكم وويش حاركم انشاء الله اني بدرس طب وبتشو فون
انا :خلصي الجامعه ثم فكري
هنود :بخلص الجامعه وبدرس طب وبتخصص في الامراض المعديه والمزمنه وبدور العلاج لكل مرض ماله علاج
انا :في المشمش
مهوي :الحين اطباء العالم عجزو يلقون علاج لتفه مرض تجين انتي تلقينه
هنود :ليش لا
لميوه :انتي الحين اعرف الامراض ثم فكري بلعلاج
هنود :ومن قالك اني ماعرف
لميوه :ويش تعرفين
هنود :لمنس جاس مرض من ذي الامراض ذيك الحين علمتس ويش الامرض
مهوي:ويش المرض الي تعرفينه يا الطبيبه
انا :تعرفين ويش ايصير للانسان اذا جاته جلطه او سكته او اسهال او مرض مزمن
هنود:اعرف انس ان اذا جاس مرض السل ألارئوي تحسين بزكام شديد منرشح وعطس وحتقان وسعال وترتفع درجة الحراره وتحسين بصعوبه في التنفس ويصير وجهس ازرق
وسبب هاذا المرض البكتيريا العضويه ويكون هاذا المرض في الجهاز التنفسي ومصدر العدوا بذاه المرض اللعاب والي ينقلس هاذا المرض هو رذاذ السعال واذااحدعطس في وجهس والتراب الملوث وألألبان الملوثه هاه عرفتو ياغجر
انا :مالت عليس انتي ومعلوماتس البايخه
مهوي :ويع قرفتيني
انا :انا سألتس عن الجلطه موب هاذا المرض البايخ
هنود :بسراحه معلوماتي عن هاذا المرض موب كافيه اني انقلها لكم اذا اكتملت اوعدكم اني اقولكم اياها
انا :قوليلي عن مرض خطير بس مايذبح عشان اذا جيت ادعي على احد ادعي عليه به
هنود :تبين مرض الرمد الحبيبي
لميوه :الله اسمه حلو الرمد الحبيبي
مهوي :جعله يجيس يارب
انا :يارب
لميوه :بسم الله علي مالت عليكم
هنود :هاه تبون معلمات عنه
لميوه :ايه
انا :لا ابي مرض اسمه سهل عشان ما انساه وادعي على أي احد يضيقني به
هنود :تبين مرض التيفوئيد هاذا حلو
انا :لا اسمه صعب ابي غيره
هنود :الكوليرا
انا :يالله ماشي قول اربه مزمن
هنود :هاذا المرض تسببه البكتيريا الواويه
انا :لحض لحضه ويش ذي اواويه
هنود :ممكن بعد اذنس تنطمين لين اكمل
انا :كملي
هنود :ومكان هاذا المرض في ألأمعاء الدقيقه ومصدر العدوا البراز والقي يعني التطريش او الترجيع وينتقل في الاكل والماي الملوث ولمس لاشياء الملوثه والحشرات مثل الذباب
انا :اربه يتعب ويع
هنود: ممكن بعد اذنس تنكمين لين اخلص
انا :اخلصي
هنود :اعراض المرض خطيره ومتعبه وهي اسهال مفاجئ وشديد ومغص وغثيان وترجيع متكرر
وتقلصات مؤلمه في عضلات البطن والأطراف و احساس بضماء الشديد ويتناقص كميت البول وقد يتوقف والاحساس بالوهن الشديد وبس
انا :احلى مافيه الأسهال
مهوي :الله يقرفس يهنوده ماتسوى علينا
لميوه :بنات انا جوعانه
مهوي :كلنا جوعانين
انا :ويش رايكم اذا جات النيرس توزع الفطو نسرق منها
هنود:متى بيوزعون الفطور
انا :مدري بس اكيد الساعه 7 او8
لميوه :يعني باقي ساعتين ويش بيصبرني
مهوي :تعال نروح فوق
انا :ليه
مهوي : نغير جو ونشوف ويش الي فوق
هنود :فوق الغرف
مهوي :عادي خلونا نروح ويش خاسرين
انا :يالله
ورحنى بطلنا الاصنصير وركبنا ورحنى لدور الثاني الي كان هدوئ
انا :بنات وين نروح
مهوي خلونا نوايق في الغرف
هنود :ليه
مهوي :نشوف الناس
لميوه :واذا شفتيهم
مهوي :عادي اجل ويش تبون نسوي
انا :هي صادقه خلونا نبطل غرفه من ذي الغرف
لميوه :بنات بطني يصايح
انا :ليه من الي ضاربه
لميوه :صدق انس فاضيه تنكتين يصايح من الجوع
انا :اشوا
مهوي :بنات تعالو بسرعه وكانت توايق في وحده من الغرف
انا بصوت واطي خير
مهوي :الغرفه ذي مليانه سلال كافي وفواكه وعندها كل شي والمره راقده
هنود :ويش دراس انها مره يمكن رجال
مهوي :رجال في قصم الولاده يابقره
هنود :ايه صح نسيت
انا :ويش قصدس نسرق
مهوي :لا موب سارقين بنا خذ
هنود :انتو بتفضحونا
لميوه بميوعه :لاوالله انا اسرق على اخر عمري
مهوي :موب جويعه بعدين فيه سلال واجد موب فاقدينها
انا :كيف بتشوفنا المره
مهوي :اكيد راقده وبعدين الستاير مسكره لأن الغرفه مشتركه يعني مستحيل تشوفنا
انا :من الي بيدخل ياخذ
مهوي :انا
انا :يالله بسرعه جعلس الكوليرا قبل يشوفنا احد
ودخلت مهوي وخذت سلت كافي وطلعت
مهوي :يالله بسرعه بسرعه خلونا ننحاش
ونروح للاصنصير وننزل وندز للاستراحه
انا :فشله يمكن في لاستراحه احد ويشك فينا
لميوه :خلونا نروح للحديقه
مهوي بسله :خلاص يالله
ورحنى للحديقه وجلسنا تحت العريش الي فيها
وحطينا الكافي وجلسنا ناكل فيه
لميوه :مايشبع ابي شي حار
هنود :احمدي ربس لقيتي شي تاكلينه
انا :مهوي انتي حراميه ربي بيعاقبس
مهوي :كلش موب لايقه عليس لهجة نوير
انا :محد يقول حررام غير نوير
مهوي :لا كل الناس يقولونها الاانتي
انا :ليه ويش شافتني حراميه مثلس
مهوي :صدق انس نذله يوم عبيتي بطنس اكتشفتي اني حراميه
لميوه :ابي ماء
مهوي :طصي اشربي ولا تبيني اسرق لس ماء بعد
انا :الي سرق مره يسرق مره ثانيه عادي
مهوي :الي يسمعس يقول سارقه بنك الريان ترا بس سلة كافي
انا :ليش ماجبتي سلة فواكه موب احسن وبعدين ليه جايبه هاذي السله الكبيره وين نوديه الحين فشله
مهوي :احمدي ربس اني جبت لس شي تاكلينه وبعدين هاذي كانت جنب الباب يعني اقرب وحده ولا تبين اجلس انقي
انا :الحين ويش نسوي
هنود :ويش خلونا نروح نتمشى في المستشفى
انا :تراس اذيتينا اذلفي تمشي الي يسمعهى تبي تتمشى يقول ذي فس الستي ترنا في مستشفى الولاده اذا ناسيه
هنود :انا بروح انتو كيفكم من الي يبي يروح معي تجي
لميوه :انا بروح معس
وراحو وانا ومهوي جالسين في الحديقه
انا :مهوي ويش نسوي
مهوي :مدري
انا : يالله نروح للستراحه نطالع التي في
مهوي :يالله امشي
انا :وسلة الكافي
مهوي :خليها
انا :خلاص يالله
ورحنى للأستراحه ولقينا لميوه وهنود جالسين فيها ويطالعون فيلم هندي وجيينا وجلسنا
انا :هماكم بتتمشون ليش جالسين
هنود :الفيلم ذاه خطير مووت
انا :ويش اسمه
لميوه :ماندري اسكتو تابعومعنى
مهوي :كنه مار علي ويش قصته
هنود:جون ابراهيم فيه واسمه ساهيل ويحب وهوفقير ويحب وحده غنيه واا
انا :بس تذكرته قدشفته اقواكم ويش بيصير
لميوه :لالا تقولين احنى اول مره نشوفه
المهم اندمجنا مع الفيلم كلنا لانه حلو وبعد لان جون ابراهيم فيه .....وبعد مانتها الفيلم
كانت الساعه 8 الاربع
لميوه :بنات والله اني جوعانه
مهوي :ماتشبعين توس ماكله كافي
لميوه :وممتى الكافي يشبع بلا عطشني
مهوي :هاه ويش تبين مضبي ولا مشوي
لميوه :أي شي بس يشبع
انا توني متئثره بلفيلم :بنات ويش رايكم نروح نلفلف في المستشفى ونشوف الهنود الي فيه حلوين نفس الافلام ولاموب حلوين
مهوي :احنى وين واتني وين بدل ماتفكرين بلمصيبه الياحنى فيها جالس تفكرين في الهنود
انا :مهوي لاتذكريني ترى يالله نسيت
مهوي :وليه تنسين مصبيه مثل ذي
انا :لان مالها حل فرجئن لاتذكريني
لميوه :بنات تكفون خلونا ندور لنا اكل
هنود:نطلب من المطعم واذا جا قلنا فلوس بعدين
انا :تنكتين كيف بعدين تبين تجلسين تتهاوشين مع الهندي وتفضحينا وبعد بعدين متى يعني
هنود:اجل كيفكم روحو اسرقو
مهوي :هاي انتي على بالس احنى حراميه
هنود :لا بس اسرقو
لميوه :يالله ندور هندي ونضبطه ونخليه يجب لنا عيشه
انا :الاخت من الجوع قامت تهلوس
مهوي :تبون اكل فكرو ولا ارقدوعشان تنسون الجوع
انا :تبون اكل
الكل :ايه
انا :اتبعوني
مهوي :وين
انا :الحين اكيد بيوزعون الاكل نروح ناخذ
هنود :كيف بتغتالين النيرس وتاخذين الفطور كله
انا :لا اذا تدخلت تعطي المرضى الفطور سرقنى من العربه فطور لنا ونحشنى للحديقه وفطرنا ويش رايكم
الكل :قدام
ورحنى ولفينا المستشفى تحت فوق في كل مكان ولا لقينا شي شكلهم قد وزعو الفطور ورحنى نلف ونشيك على الهناديه ندور هندي زين ةماخلينا مكان ما رخنى له ولافيه امل نلقا هندي واحد حلو كلهم يجيبون الجلطه ماشفنا وغيرواحد حلو ورحنى وطلع موب هندي ولفيناولفينا لين تخنا وتعبنا ويوم عجزنا وتعبنا من لفه رجعنى للاستراحه الي مليانه حريم وجلسنا شوي وحنى تعبانين حيل وجوعانين بعد وجلسنا نطالع التي في لين الظهر وصلينا كانت الساعه 1
مهوي:بنات نعسانه حدي وش اسوي ابي ارقد برقد هناه على الكراسي وتمددت على الكرسي ورقدت
اما لميوه رقدت وهي قاعده على الكرسي قلت لهنود انا بعد برقد ورقت.....
وقعد الساعه 6 وحصلت البنات قاعدين وميتين من الجوع ولميوه واقفه عند ثلاجت العصيرات والكوافي وتطالعها كنها تطالع تي في
قلت : خلى نروح ندور عيشه
مهوي :خلى نروح لقسم ترقيد الحريم
هنود:خلونا نروح نراقب لين يوزعون العشاء وناخذ نفس خطت ليلوه اليو الصبح
انا :يالله نروح