منتديات كوفي كوب Coffee cup - عرض مشاركة واحدة

09-21-08, 07:12 PM

قلت :عندي لس اخبار على كيفس وماردت علي كانت تجمع اغراضها حق البر بكره
قلت انتي الخسرانه باروح اكلم مها اصرف لي
قالت :الكلام اللي عندس بخصوص ايش
قلت:خلاص مايهمس أي شي عني ادري
وبعدين جات وجلست على السرير وقالت :هاذني جيت وش الموضوع
قلت : انخطبت
قالت :من اللي خاطبس
وقلت لها كلشي (طبعا ماقلت اني قلت لبوي انا ماعندها مشكله
قالت :جعلس المرض رديتي شبيه القمر فيصل ولد جيرانا حسبي الله عليس ليه ياغبيه يهبل يجنن ياليته خاطبني ياويلي اكيد كان يبيني بس غلط في الاسم
قلت :ليه انشاء الله بينكم قصة حب
قالت: لا بس اخر مره مظبطه مع امه يوجات عند جذتي قبل السبوعي وهي سأله جدتي عني
قلت :ماشاء الله كيف مضبطه معها
قالت:يعني جبت القهوه رحبت وهللت وكلامي كله عن المطبخ والبيت جعلها السكته القلبيه في الاخير تخطبس لانتي العجوز المخرفه
قمت انا وخليتها قلت باروح اكلم مهوي اصرف لي من الخبله ودقيت عليها
قلت :الو مهوي عندي لس خبر خطيييير
قالت :حتى انا عندي خبر قنبله تعل في بيت جدي بسرعه
قلت خلاص اجي الحين ياللا باي
ولبست عبايتي وشيلتي وبس ورحت لبيت جدي اول مادخلت الصاله اف فشله كل عيال عمي في الصاله عند جداني عاد انا رحت سيده فوق وعلى الدرج لقيت عمي جاسم سلمت عليه وقلت: وينك ماعاد تنشاف
قال :والله عندي ظروف توني راجع البارح من السفر
قلت :الحمد الله على السلامه ورقيت فوق لقيت البنات في الصاله مهوي ولميوه و بزران العايله
سلمت وقلت : يلا نروح قسم لميو ه
ودخلنى غرفت الجلوس
قالت مهوي :وش الخبر اللي عندس
قلت: انخطبت
قالت لميوه:كلالالالالااالالي الف مبروك متى الزواج
قالت مهوي :من ولد من بلللا قولي
واقولهم السالفه كلها
قالت مهوي: زين انس ماوافقتي
قلت إلا وش القنبله الي عندس مهوي
قالت :ابشرس اخوي خالد يبي يتزوج
قلت :وبس على بالي عندس سالفه من سعيدة الحظ
قالت :تو ما بعد حدد واظاهر والله اعلم انه حاط عينه عليكم انت وندوي
قلت :هو بكيفه حاط عينه ولا انتي قايله له هاه اعترفي
قالت:هاه السراحه انا رشحتكم له وابوي قال بيكلم ابوس
شرايس في المفاجئه موب حلوه
قلت :مالت عليس انتي ومفاجئتس وبعدي انا احلم بلقب عاااااااااانس فاهمه
قالت :ايه عشان كذا انا رشحتس انتي واختس لأني ادري فيس ماتحبين الزواج
قلت :الحمد الله انا مستحيل اخذه هوو لا غير ه اما ندوي ياغبيه تمووووووووووووووت في الحلوين واخوس كنه ياباني يعني مافيه امل لذالك روحي اقنعيه ياخذ شيخوه وينقذها من العنوسه خاصه بعد ما شافوها عيال الجيران اللي خلصت على ابوهم وضيعت مستقبلها
قالت مهوي:ليلوه امانه اخذي خالد عشان تصيرين عندنا في البيت والله اخوي خالد طيب وحبيب ودمه خفيف وحنون الى ابعد الحدود وكفايه اني اخته
قلت :الحين ناشبه في حلقي وين ماروح القاس قدامي في بيت خوالي وفي بيت جدي وفي بيوت اعمامي كلهم وفي بيتنا وفي بيت الجيران وتبين بعد اجيكم في بيتكم طل وطل بعد المهم
قلت بنات جمعتو اغراضكم عشان الرحله
قالت لميوه :انا من الصبح مجمعتها
قالت مهوي :انا باقي بس الروح للجمعيه
قلت : حتى انا ابي الجمعيه شرايس نروح انا وياس
قالت لميوه :باروح معكم
قلت :خلاص بكلم ابوي و باقوله بس اهو يقول خلي خالد يوديس
قالت مهوي :ويه اخوس مستحيل الروح معه عله بينشب لنا بسر عه ويللا ومادري شو
قالت لميوه: والله احراج موب رايح هونت إلا اذا بيودينا الدريول
قلت :باكلم ابوي وباقول البنتا ت بيروحون باروح معهم واذا قال من اللي بيوديهم شاقول؟؟؟؟؟
مستحيل يخلينا نروح مع الدريول وبعدين بسراح انا ابي اشتر كم فلم هند اشوفها على الطريق واذا راح معي موب مخليني اشتر ي اصلا موب مودين لجمعيه صاحيه اكيد بيوديني للميره وهي مافيها محل دي في دي وش نسوي
قالت لميوه :خلاص ناخذ البزارين معنى ونروح لحياة بلازا ونحطهم في جنقل زون شرايكم
قالت مهوي:والله فكره واذا رفض عطينياه اكلمه شرايس
قلت: اوكي واتصلت على ابوي
ابوي:اهلين
انا:باروح للجمعيه
ابوي: باكلم خالد الحين يوديس بعد صلاه العشا
انا:البنات بيروحون معي مها ولميا
ابوي:تبون فلوس
انا:لا بس مستحين من خالد
ابوي: ليه بياكلهم
انا : خلاص بروح مع الدريول
ابوي:لا في ها الليل انسي
انا :يبه تكفى بناخذ البزارين كلهم معنى وموب متئخرين تكفى
ابوي: لا لا بتصل على عمس جاسم وبكلمس يالله
(قلت يالليل والله مايخلني اشتري افلام )
قلت :ها بنات شرايكم "طبعا انا كنت حاطه على السبيكر"
قالت لميوه : بادزله مسج ونقوله انا مانبي نروح للجمعيه امانه تصرف ولاتقول لبوي شرايكم
قلنا اوكي ودزينا المسج من جوالي لأنه كا العاده ماحد عنده رصيد
شوي ويتصل ابوي قال:مالقيت احديوديكم باروح لشركه شوي واجي اوديكم
قلت :مايحمل كل ها التعب يبه
ابوي: بس يمكن اخذ نص ساعه
انا: يبه بناخذ البزران والشغالات بعد وبعدين متى نرجع اذا وديتنا ومتى اجهز اغراضي ومتى الرقد واحنى بروح بكره بدري
ابوي:خلاص أي مجمع بتروحون
انا : حياة بلازا
ابوي:روحو للي عند استاد خليفه ولاتبطون وانا انكاني خلاصت بسرعه اتصلت لكم
انا:جعل ربي يخليك لي يا احلى اب
ابوي:مادري وش عندس في الجمعيه المهم لا تتئخرون تعالو الساعه 9
انا :يبه الحين زحمه ويالله ناصل وبعدين الحين الساعه 7 ونص ساعه ونص بتروح على الطريق
ابوي:خلاص بس لاتبطون
انا :انشاءالله يا اعز انسان
ابوي:مع السلامه
انا :باي
وكلمت الدريول يجيب السياره ولميوه جمعت البزران وخدمهم ولبسو عباياتهم وركبنا في سيارت البيت اللي هي" ارمادا" انا والبنات في المرتبه الي في الوسط والبزران كلهم في الشنطه والخدم معهم البزران وانا توني الرتبهم في الشنطه إلا وشينت الحالايا املوه معهم
قلت: انتي قليلت ادب يللا انزلي مافيه روحه
وتقعد تبكي
وتقول :انا اسفه امانه خليني الروح معكم
قلت :خلاص يلله الركبي طبعا البزران هم خوان لميوه وعيال عمي وليد وشغالتين وخوان مهوي ركبت مع البنات ومشينا
قلت: للبزران الي فيه خير منكم ينطق بكلمه لالعن خيره كفايه مودينكم على حسابنا مالت عليكم واغسل شراعهم وبعدين
قال (ضميري حرام عليس شسوو ) بعدين تذكرت انهم ما سوو شي
قلت: خلاص اسفه والبنات قاعدين يتحمدون ربي كني خبله
المهم نص ساعه لين وصلنا وحطينا البزران والخدم في جنكل زون ورحنى لقسم المواد الغذئيه شرينا كل الي نفسنا فيه وبعدين رحنى لمحل الدي في دي مال الافلام قلت عندك فلم هندي جديد مال جون براهيم "kabul express" قال موجود و خذيته واحنى طالعين الا وفيه 3 شباب الشكالهم كشخخخخخخخخخخخه ولا ريحت عطرهم موووووت ولا الغتر كلها نشا يلاحقونا ويقطون كلام انتي حلوه و ش هلجمال كله و عطينى ويه واحد يقول الله على الموضه فسفوري فقعتي عيونا والثاني يقول والله احنى طيبين موووت
قلت : العن شكله كيف شاف بلوزتي المهم
ذبحونا ان رحنا فوق راحو معنا ان نزلنا نزلو ورانا ذبحونا شوي الا واشوف واحد هناك في الكوفي شوب
قلت: بنات كنه فارس ولد عمي ناصر
قالت :لميوه وينه خلوني اشوف ذبحتني به ندوي يهبل يهبل يشبه راكان الي يغني عايش في غيبوبه
قالت مهوي :الا هو بس ليه بروحه
قالت لميوه: الله يهبل مالوم ندوي خلى نروح له يفكنا من هالدشير واقزه من قريب
قلت: كنه البارح بيموت وحالته حاله واليوم هايت في المجمعات
قالت :مهوي يمكن جاي عشان شي ضروري
قلت: خلاص روحي يا مهوي ناديه وراحت له مهوي وكلمته وشكله عصب وجاء بسرعه وتهاوش ويا الشباب لين راحو بعدين جا وسلم علينا
وقال :انتو ليش جايين بروحكم
قلت :البزران معنى والخدم
وقال:حتى لو ترانا في الليل وبعدين هاذولا الشباب جاو يلاحقونكم وش سوو الخدمات والبزران
توهقنى
قالت مهوي : هاذي اول مره وبعدين مخذين الاذن
قال:انا بس خايف عليكم والله
قلت :حصل خير
قال: بس زين لقيتكم امي تبي الرقامكم تقول نست تاخذها منكم وابوي مايعرفها
قلت:خلاص بعطيك الرقامنا
قال: اخذورقمي وكل وحده تدق علي
طبعا البنات توهقو رنه ماعندهم واستحو يقولون ماعندنا رصيد وسكتو
قلت :اخذ رقمي واذا التصلت امك عطيتها باقي الارقام والتصلت عليه من مبايلي
قال: ايه امي شرايه لكم هدايا تعالو معي البيت اعطيكم اياها