|
مجموعه من قصائد فهد بن مساعد :CE_DP_Stealer::CE_DP_Stealer::CE_DP_Ste aler:احلى تحيه لكم :CE_DP_Stealer::CE_DP_Stealer::CE_DP_Ste aler: لكل محبين الشاعر (فهد بن مساعد) حبيت اجيبلكم مجموعـــــــــــــــــــــهـ من قصايدهـ:smile: &&& ياعين &&& ياعين كفي دمعتك لا تهلين قوي الصبر هذا زمان العجايب ماقد سمعنا رجع الدمع غالين ولا سمعنا رد دمعن مصايب بدل دموعك حاولي بينك وبين قلبن عساه اليوم ينسى الحبايب ما أقوول انسي^حاولي^كوود تنسين خلاااص راحت غايتك بالغصايب الحب قصه والبطوله لشخصين وختامها كلن من الحب تايب ماهو بمثل اللي نظنه من سنين ماندري انه يوجع الراس شايب كنا نظن الحب يرسم لقلبين وسهمن على القلبين بالحبر صايب واليوم اشوف الحب في دمعة العين كنه غريب دون دم وقرايب أنا أشهد انه شتت الحظ اثنين راحت وتهنا في بحورن غرايب راحت وانا واطلالها لليوم باقين ترقب عيوني بابهم والحبايب اذا انفتح كل الخفايا بي تبين واذا تسكر جاوب الدمع غايب أنا قوي القلب اصبحت مسكين يحق لك يالعين خاوي السحايب ياعين هلي دمعتك لا تملين غلطان انا يومن ردعتك وخايب وآخر وصيه لمن فهم حالتي زين وأمن بقلبن راح فالحب ذايب ينحت على قبري رموزن بحرفين وينحت سهم وقلوب فوق النصايب _____________ &&& بااب النسيان &&& كل مافي الأرض ينذر بالمفارق والغياب اللقى والشمس وحروف الرسايل والقبوور وش بقى يوم اكتشفت ان آخر الدرب السراب والبحر دمع لسواحل هاجرت عنها الطيوور ما لحزني صوت مدري هو خطا والا صواب بس أعرف اني حزين وصوتي الليله جهور من يدثر صوتي الليله ويكسب له ثواب؟؟ ما لها يالشعر غيرك أنت يا جبر الكسور يكفي إني لا بكيت بدونك أشعر بإرتياب وكل ما ابكي فيك أشوفك لي عن اللي في سور ادري بيوتك عرايا لكن اوزانك ثياب لبس جروحي من أحزانك وألبسك الصدور كان ياما كان للنسيان والعشاق باااب عاشق لا شد درفة باب صاح بلا شعور يقدر النسيان ينزع غصن من فوق التراب بس مايقدر يقرب للتراب وللجذور كيف ابنسى ذكريات الطيش الأول والشباب؟ ورفقة الليل العتيقه وأول الفجر الطهور والمواعيد وشغبها والوله قبل العتاب؟ وساعة كم كنت احاول في عقاربها تدور والمكان اللي وهن سقفه من الفرقى وشاب من بعد ما كان يحضنا مثل طفل غيور والمطر لا لون الشارع وقلنا للسحاب بلل يدينا ترا العشاق أياديهم زهوور كيف ابنسى والرياض لسيرتي مثل الكتاب حافظتني بيت بيت وحي حي ودور دور من كثر ماكنت ادور في شوارها جواب هو صحيح الحب أعمى أو عيون الناس عوور؟ كنت اشوف الحب عذب وهم يشوفونه عذاب كان هذا الحب سر وقلته وكلي سرور علموني فالمدينه كيف لا حبيت أهاب؟؟ لكن القريه قمرها قال كن الحب نوور في بلادي كنت عاشق بس شاعر بإغتراب ////// لين صرت الشاااااعر اللي تعشقه كل البحووور علميني يالقصايد هو خطا والا صواب ؟؟ لا رفضت انسى عيوون عشتها شعر وشعوور؟؟ هذا انا لحالي هزيل الحال وأشعر بإكتئآب كن قلبي جال بحرن هاجرت عنه الطيوور اجرع الفرقى واقول الحب عذب وللعذاب كل قلب لا حرمه الوقت من خله يبوور ولين هذا اليوم أدور فالمدينه عن جواب ليه في شرعك يكون الحب شرعن للفجوور؟؟ _____________ **** يبه *** يبه وانا بعد أثنعش عام حسيت اني قدرت أقوول شي كتمته ابطى قصيدي ما انكتب فيك وابطيت أجر صوتي وارجع أجر صمته ماودي أكتب بيت واندم على بيت ماهوب شعر الشعر كاني زهمته الشعر كانه ما انحنى لي ماجيت ان ماعزم مرثيتك ما عزمته ان ماكتبته بأزرق الدمع وابكيت كل الجروح المبطيه مارحمته يبه وأنا من بعدك أبو التناهيت مامر طعم للحزن مانهمته يبه كلمه وأنا كل ما اوحيت كلمة يبه صديت والوقت لمته يبه كلمه وانا كم تمنيت أهدم بها وابني بها اللي هدمته يبه وانا لاضقت رحت وتهجيت اركون بيتن ضم حلمن حلمته يومك تعلمني إلى من تحاكيت درس الحياه اللي كبرت وفهمته هناك كانت دلتك لاتقهويت وهناك كان يساق طيبن حشمته وهناك >إيه أذكرني هناك خليت < طفلن ملى بالدمع دربن رسمته هناك جاني علمك انك توفيت وهناك خاويت الشقى واحتزمته واليوم قلت اليوم يومي ومديت كف القصيد وطاح شعر ونظمته لكن بعد صمت اثنعش عام حسيت اني عجزت أقول شين كتبته <<<رحمة الله عليه قسم بالله انها بكتني هالقصيده _____________ *** أسمعك *** اسمعك ياللي تناديني يا بو قلبن خلي بس أنا ماني خلي القلب لاجل أسكت واجيك الخلي ماهوب قلبن من هيامك ممتلي الخلي قلب آدمين شافك ولا هام فيك انت زعلان لجفاي؟ ومادريت ان زعلي يوم قلبك مايبيني قد ماقلبي يبيك حتى لو عيت همومك في غيابي تنجلي كل هذا مايساوي لهفتي يوم أحتريك وكان ماصدقت هرجي طيب اسمع مايلي ياحبيبي ياعسى ربي يحفظك ويهديك جايز انك في غيابي تقلب الدنيا علي بس انا من قبل اعرفك قالب الدنيا عليك _____________ *** المدينه والغريب *** جا يشوف الحال كيفه بعد ماهزه حنينه وقبل يسألني سألته كيف حالك يالحبيب قال أنا كني غريب ضيع دروب المدينه قلت أنا كني مدينه تنتظر رجعة غريب قال أجل وش فيك تكره سيرة الحب وسنينه قلت أجل وشلون ما أكره سيرته دامك تغيب أنت لامن غبت حتى مرايتك صارت حزينه كيف ماتبغاني أحزن وأنت لي حظ ونصيب الهدايا والرسايل والمكاتيب الثمينه والليالي والقمر و الريح الكون الرحيب كل ماتبعد تجيب الشعر ليه من يدينه وتقعد جروحي تودي في الطواريق وتجيب يابعد كل القصيد ونزوة احداه وأنينه لاذكرتك لاح بيت وطاح ورد وفاح طيب وان نسيتك مانساني صوتك المبحوح لينه يآخذ لجرحي بثاره من خطاياك ويطيب وبعد هذا جاي ترمي ذنبك بوجه المدينه مادريت ان المدينه كلها شمعة غريب _____________ *** الدلووعه *** إيه أعرفك بنت عز وكلمتك مسموعه وادري انك من خلقتي في ظلال وفيه مالعب فيك الزمان ولاقرفتي جوعه ولا وقفتي من همومك وقفتن محنيه وادري ورب اليتيم اللي يهل دموعه مابعد هلت دموعك في ضحى عيديه بين حضن ابوك وأمك وردتن مزروعه طول عمرك مافقدتي لمسة الحنيه إيه اعرفك وأعرف ان الناس لك متبوعه وادري ان امرك مجاب وحاجتك مقضيه بس أنا من فضل ربي هامتي مرفوعه ورث ابوي وراس مالي عزوتن جبريه ما انحنيت الا لمخافة ربي المشروعه ولا بعد دفقت دم الوجه امد إيديه بدوين ما عرفت الضحكه المصنوعه احمد الله من خلقت وطيبتي فطريه قانعن في حكمة الله ماشين في طوعه ما حسبت حساب دنيا ناسها طرقيه إيه أنا يا أم الترف قلبي غدى موضوعه الفراق اللي بلا رجعه وطاري جيه بس روحي سايري قلبك وهدي روعه واعذريني والا عادي ازعلي عليه دامها وصلت لذل النفس يا الدلوعه والله إني أعيش وراسي ما انحنى لبنيه _____________ *** الرســــــــــالـــــه *** ياصاحبي لا تجي وتقول لي قالـــــووا لو قلت ما قلت غير الله يجازيهـــــم لاشفت بعض الاوادم للردى مالـــــوا نفضتهم من عيوني قبل اخليهـــــم يكفيني القدر نلته يوم ما نالـــــوا الا && أو قول ما ابغى أجيب طاريهـــــم ما أقول غير أنت لامن حطو وشالـــــوا تعوذ برحمة الله من أساميهـــــم ذكرهم ان الأعمار ان طالت وطالـــــوا الخالد الذكر والا الموت قافيهـــــم أما أنت ياقلب لو صالو بك وجالـــــوا خلك مثل ما أنت لا تشره على ايديهـــــم الناس من خلقت الدنيا ومازالـــــوا عيال رجال لكن فيهم وفيهـــــم ذولاك من عرض ناســـــ>ن< مالي ان مالـــــوا الا اني اسكت وأقول الله يجازيهـــــم _____________ *** الـــــدمـــــعه *** تطيح دمعه وأسلم للفضا موقـــــي وارفع ايدين الذنوب وتظلم اعماقـــــي اشوف قبري يمر بوحشته فوقي وتصير كل الحياه أضيق من أخلاقي يانفس طالت ليالي غينا فوقي كم قلت يالله وقلتي تونا باقي يالمزنه اللي تحن لغيثها نوقي تعبت اخيلك وأقول لياق لياقي تعبت ياما تعبت وراحت حقوقي ياما ندمت وردمت الذنب فاوراقي ياما سكتت وتركت البوح لعروقي أخاف أسولف وأخيب هقوة الهاقي أخاف أبوح ويخون الصمت منطوقي وأقول شين يحث الناس لفراقي يالله أنت الملاذ ان مسني عوقي وأنا ذنوبي جهت من راسي لساقي يالله تغفر خطاي وترحم وتوقي عظمي نهار الحساب وتقبل اعتاقي _____________ *** اللـــــي تركنـــــي *** اللي تركني وأنا في عز غربـــــالي بعد الشدايد وش اللـــــي ذكره فيني؟! يبغى زمانه يعـــــوود ويرجع الغالي؟ وشلـــــون يرجع بعد ماطاح من عيني؟ لا الوقت وقته ولا له شي في بالي أنا نسيتـــــه مثل ماكان ناسيني يامـــــا تمنيت نظره منه في حالي يامـــــا تمنيت صوته لو يناديني قولو لـــــه إني ما احبه كثر ترحالي أو ***لا** حرام يتضـــــايق والا يبكيني قولو له إني أحبـــــه بس من تالي إن راح والا رجع مـــــا عاد يعنيني _____________ &&& جتنـــــي مـــــراسيله &&& يمكن تنفرج بالمقابيل ولا أدري إلا الأرض تحتي تهايل وبعد التعب والهم والحط والشيل عرفت إن البخت كان مايل مع ذاك أبو ذيك الرموش المظاليل ذاك الغريب اللي عمل بي عماي جتني مراسيله تشب القناديـــــل ومعها سؤالـــــن جاوبته النحايـــــل يقول كيف الحال بعد المراسيـــــل؟! وأقول مثل الحال قبل الرسايل عمر الكتابه ما تجيب المواصيل ريح مكاتيبك ترا الشك زايل ان ما حصل همس وحنان وتعاليل وأعاتبك لين المح الدمع سايل واجلس واسولف عن زمان البهاذيل وأنسى السوالف لانسفت الجدايل كذا يصير الحب والوصل والليل كذا ادري انك مانسيت الجمايل أما كذا وإلا أترك الحظ للميل واتركني فوق الأرض تحتي تهايل _____________ &&& يا بشر &&& يابشر تكفوون حلوو عن سمايه ما يصيب الهرج لو الهرج صوبي كم سكت لكم بما فيه الكفايه اشتمووني لو زعلتوو واشمتو بي عيبوني واتركوني في عمايه واتركوا لي واحدن يرضى عيوبي اتركوا لي واحدن يمسح شقايه كل ما حط الزمن دووبه ودووبي ذاك والله لاذكرت انه ورايه اشعر ان الكوون كله وسط ثوبي يكفي انه لو يسولف للمرايه كن صوته يهمس لصورته ذوبي كيف أنا ما أذوب ما دامه معايه أسمعه وأسهر معه لأول ذنوبي كل ما قال السهر درب الغوايه قلت كله من عيوونك هبلوو بي وكل ماقال الخطا ماهو خطايه قلت له قل للعيون السود توبي ضيعتني وأسأل الله الهدايه وين أجيب العقل؟! أجيبه من جيوبي !! من يعرفك ما يدل للعقل رايه ياشروق العمر مدري ياغروبي أذكر انك كنت لي مثل الهوايه لو تروح ولو تجي يبقى شحوبي بس ما ادري كيف صرت اليوم غايه!! وصرت أجي وأروح ما ادري عن دروبي يابعد عمر الكتابه والقرايه يالشمالي يا ابو الملح الجنوبي لا قريت اللي كتبته يارجايه رح وبلغ ربعي اللي جننو بي قل لهم يمكن يخلوون الوشايه وان تمادوا خلهم مهما حكووبي أنت خلك بس فالدنيا عزايه لا تفكر بالعواذل وأنت صوبي أدري أنه درب وله نهايه بس أنا باقي معك لآخر دروبي _____________ &&& ياصاحبي &&& ياصاحبي جيتك أشكي لك من أحوالي جيت ومدامك رفيقي ليه أطولها!؟ العلم ومافيه يا أول وآخر آمالي عندي رساله ولا أدري كيف أوصلها ؟؟ للي سبتني وأنا من قبلها سالي أبيك توقف معي وتروح تسألها وش فيها تفتح علي أبواب عذالي؟! وتحمل النفس حاجه ما اتحملها وش فيها رغم الوفا تتركني لحالي!! وأنا لجفاها تركت الدنيا بأكملها ان كان هذا زعل...علمها يالغالي ما كان قصدي ورب البيت أزعلها علمها واللي يخلي قلبك الخالي عن ضيقتي وين وصلت من تجاهلها علمها كم لي وأنا ماشلت جوالي كله على شان ما أقلب رسايلها وعلمها وشلون لامرت على بالي أرووح وأضم صورتها وأقبلها وعلمها كيف أنشغل عن كثرة أشغالي وأسرح وأغمض عيوني وأتخيلها علمها عني... وعن همي وغربالي علمها عن كل حاجه بي تجهلها وان شفتها دنقت تبكي على حالي انسى الكلام وتذكر كلمه وقلها قل شاعرك يعتذر و يعاهدك تالي انه يرتب حساباته من أولها ويقوول حتى القصيد اللي على بالي والله ماعاد أكتبه كانه يزعلها _____________ &&& أعز إنسان &&& صووت حبيبي وقبل أقوول ياعوونك شكى جرووحه ورحت أشكي له طعووني يقول مقدر أعيش اليوم من دونك وأقول حتى ولو ماعشت من دووني يمكن أكوون أنا أعز انسان فعيوونك بس أنت والله كل الناس فعيووني لاصرت ربعي وداري فية جفوونك وش دخل الناااس !! خل الناس يجفووني يكفيني ان انت لامن قلت وشلوونك تطيب كل الجرووح ويختلف لووني وان كان ما انته بمصدقني على هونك تعال طالع درووبك وين ودووني أصبحت أجامل عداي اللي يحبوونك وأكره مشاهد عداك اللي يحبووني ومن كثر ما أحب واكره عنك واصونك أصبحت دفتر مشاعر وأنت مضموني ان غبت عني شعرت بلذة طعوونك وان شفت زولك شعرت بقيمة عيووني ______________ &&& نديم الجرح &&& يانديم الجرح واللي وصتك بأرقامها عارف أنك ماتعرف إلا شذى ياشمومها لاتعلمني عن آخر ما حصل فأيامها من رسالتها عرفت اليوم كل علومها أدري ان الوقت شمر عن يديه وضامها وأدري ان الحظ الأقشر صار مثل هدومها وأدري أن الهم وقف في طريق أحلامها لين صار الحزن أثرها والشقى مقسومها بس تستاهل هي اللي طاوعت من لامها وباعت اللي كل ذنبه ما دخل في سومها خلها تدفع ثمن غلطاتها مادامها هملت قلبي وراحت واسرفت في حومها ويبتعد مع كل خطوه صوت وقع أقدامها وتقلب الضيقه وتصحى دمعتي من نومها لين غابت عن عيوني وانجلى هندامها ليلتن تغفى على صدر الظلام نجومها كنت أحس بشي والله ماتشيل اعظامها لو تحس بشي منه يمر وسط حلومها وكنت تحس الضلوع العوج مثل أيتامها وأشعر ان القلب نبضه منتهي من يومها والحياه اللي تدور شهورها وأعوامها وقفت واليوم دور رماحها وسهومها ياكثر ما أغرقت نفسي في بحور أوهامها وياكثر ما ضعت بين أوهامها وهمومها ما جداي الا أحلم اني واقفن قدامها وأتخيلها تعاتبني وأرووح ألوومها يانديم الجرح خلك من علوم أيامها مابقى فالقلب رغبه يلتفت لعلومها والرساله ردها للي زمنها ضامها وقل لها كل تفهمها حسب مفهومها والله ان أقص كفي قبل أدق أرقامها والله ان أشيل قلبي قبل أشيل همومها ______________ &&& من بغى الفرقى &&& من بغى الفرقى لقى له عذر وأسباب ودليل خل عنك العذر والأسباب دام الحب ضاع كان ودك بالفراق ابشر عسى عمرك طويل لا تردد وأنت لك كلمه ولك أمرن مطاع لي عليك إنك تبت بكلمتن تشفي الغليل ولك علي إني لأوقف وقفة الرجل الشجاع لا تجاملني مخافة قال مدري خوف قيل عمر هرج الناس مايسمن ولايغني جياع كان قصدك سر حبك أوعدك لا اصبح بخيل وأحمل أسرارك معي للموت قدر المستطاع بس قلها ... قل ما أحبك وابشر بصبرن جميل لا تحسب إني مثل من طبعهم لوي الذراع صاااحبك ماهو كذا ياصاحب القد النحيل صاحبك طبعه غريب وغربته غربة طباع فالهوا مايقبل الحل الوسط ولا القليل مثل ماهو لا شرا يشري وليا من باع باع لابتن لوو هي تميل الأرض حدره مايميل يدري إن الفقر ماهو عيب والدنيا متاع ماعشق لذة حياته كثر عشق المستحيل ولا كره حتى مماته كثر كره الإنصياع كم تعلم من شديد البدوو وش معنى الرحيل وكم تعلم من غروب الشمس وش معنى الوداع وكم تعلم من سحاب الصيف وش معنى الحصيل وكم تعلم من ليالي البرد وش معنى الضياع إيه أنا هذا طريقي موحش وصعب وطووويل وأنت لامنك تعبت العالم فجوجه وساااع اعتبرني في بداية سكتك عابر سبيل رح وأنا قلبي معك وين وجهت الشراع يكفي اني لاذكرت فسالفة عشاق قيل: عاشر أحبابه شجاع وفارق أحبابه شجاع _____________ &&& يا صغير السن &&& ياصغير السن قدرك طاحت ابراجه الجرح خلا الصخر ينطق ونطقني خلاص ماعاد تعني لي ولا حاجه رح جعل ربي يوفقك ويوفقني من بعد ما كنت نوور العمر وسراجه اليوم صرت الظلام اللي يطوقني عطيتك أكثر من اللي كنت تحتاجه أسرفت فالحب الين الحب وهقني خلاص مالي ومال الحب وإزعاجه مالي ومال الدروب اللي تضايقني تعبت أضم البحر وأهدي أمواجه تعبت أجامل وأشوف الوقت يسرقني شكواي للي عليه الضيق وافراجه اللي إذا شاء يرحمني ويرزقني أما أنت يا ابو جبينن عقد حجاجه لا عاد تسأل علامك ما أنت طايقني الناس كلن على دربه ومنهاجه وأنا عن الناس مابه شي يفرقني إلا اني دايم أحب الصدق واواجه مخلوق والله على هالوضع خالقني حتى رفيقي ضماد القلب واعلاجه على كثر ما اتمسك فيه صدقني لو ادري انه مرافقني على حاجه لأمسكه حاجته وأقوول فارقني <<< ياحبني لهالقصيده _____________ وووبس ___ ودي تحيــــــــــــــــــــــــآآآآآآآآآتي:Q z204806: |
رد: مجموعه من قصائد فهد بن مساعد جا يشوف الحال كيفه بعد ماهزه حنينه وقبل يسألني سألته كيف حالك يالحبيب مــرٍ رٍ رٍ آآ رووعهٍ يعجبنـيٍ هـً آلبيتِ يعطيكٍ آلعـآفيهَ |
رد: مجموعه من قصائد فهد بن مساعد واااااااااااااااااااااااااااااااااااااو رووووووووووووووووعه ابداااااااااااااااااع |
رد: مجموعه من قصائد فهد بن مساعد قهوه زرقا يعطيك العافيه ع القصائد :) (f) |
رد: مجموعه من قصائد فهد بن مساعد يسـًـًلمؤٍ ؛ |
رد: مجموعه من قصائد فهد بن مساعد يعطٍيك العافيةة ودي |
رد: مجموعه من قصائد فهد بن مساعد تـــــــــــــــــــــسلمؤؤؤؤؤن حبيباتـــــــــي ع المرور فديتكم===)) |
رد: مجموعه من قصائد فهد بن مساعد قصآيد روعه من شآعر خرآفي .. تسلم يمناك قهوه .. ماقصرتي ..~ |
رد: مجموعه من قصائد فهد بن مساعد من آفضل آلشعرآء =) صح لسآنهه م تقصررين ! |
رد: مجموعه من قصائد فهد بن مساعد إبداع أشعار فهد بن مساعد وأنا من المتابعين له يعطيك العافية ياقهوة زرقاء على القصايد |
| جميع الأوقات بتوقيت GMT +3. الساعة الآن 07:33 PM. |
الدعم الفنى المجانى من روابط فى بى اطلب الان دعمك مجانا